तिम्रो मायाको नशामा तैरिरहेको छु
अन्त्य सम्म भुल्ने छैन आफ्नो ठानेको छु
तिमी मेरो हौ तिम्रै यादमा रहनेछु
तिम्रो लागि एउटा कविता लेखेको छु !!

मनमा बाँधिएको छ तिम्रो लागि दरबार
आऊ र मलाई तिम्रो प्यारो बनाऊ मेरो सरकार
तिम्रो हरेक पाइलामा साथ दिनेछु
नडराऊ म सधैँ तिम्रो साथमा छु !!

तिम्रा सबै भावनालाई सजाएर राख्न खोज्छु
म तिम्रो काखमा निदाउन चाहन्छु
म तिम्रो सौन्दर्यको प्रशंसा गर्छु
म सधैँ भरी तिम्रो साथमा हुन चाहन्छु !!

मेरो सपना मायामा फुल्यो मन चाहनाले फुल्यो
सोचेको सबै कुरा मेरो सपना साकार भयो
तिम्रो मायाको नशामा तैरिरहेको छु
अन्त्य सम्म भुल्ने छैन आफ्नो ठानेको छु !!!

गोबिन्द राज ओझा (राजन)
दिपायल सिलगढी नपा- २, दिपायल डोटी