काठमाडौं । ज्ञान निकेतन र केएमसीले १० औं इनोभेटिभ अन्तरविद्यालय बास्केटबल प्रतियोगिताको सिनियर ब्वाइजमा मंगलबार जित हात पारेका छन् ।

ज्ञान निकेतनले नेरिक एकेडेमीलाई ५३–४० ले पराजित गर्यो । ज्ञान निकेतनका सवाज मन्सुरले २५ अंक  जोडे । केएमसीले आयोजक इनोभेटिभ ‘बी’ लाई २३–१६ ले हरायो । विजेताका स्वीकारले ७ स्कोर गरे ।

सिनियर ब्वाइजको अन्य खेलमा एस्पान्डलले रेडियन्ट रिडर्सलाई ३७–२०, मातृभूमिले नेपाल मेगालाई ४०–२० र अवेरनेस इन्टरनेसनल एकेडेमी (एआईए) ले काभ्यालाई ३६–२० ले पाखा लगाए । एस्पान्डलका रोशन कार्कीले १०, मातृभूमिका प्रसिद्ध कर्माचार्यले १० र एआईएका विटेन ज्ञवालीले १४ अंक बटुले ।

जुनियर ब्वाइजमा इनोभेटिभले काभ्यालाई १०–४ तथा ज्ञान निकेतनले डाफोडिललाई २०–१४ ले पन्छाए । इनोभेटिभका फडिन्द्रले ८ तथा ज्ञान निकेतनका करण राईले १० स्कोर गरे ।

सिनियर गर्ल्समा मातृभूमिले इनोभेटिभलाई १५–८, रिब्सले एआईएलाई २९–१५ र ज्ञान निकेतनले केएमसीलाई ११–१० ले पाखा लगाए । मातृभूमिकी अद्वेयताले ६, रिब्सकी सुप्रिया मल्लले १७ र ज्ञान निकेतनकी आकृति मगरले ४ अंक जोडे ।