एनपिएल: कर्णाली याक्सद्वारा चितवन राइनोजलाई १७६ रनको लक्ष्य
काठमाडौं । ओपनर जयकिशन कोल्सावाला र विलियम बोसिस्टोको अर्धशतकप्रेरित कर्णाली याक्सले नेपाल प्रिमियर लिग (एनपीएल) मा चितवन राइनोजविरुद्ध १७६ रनको लक्ष्य प्रस्तुत गरेको छ । आज बुधबार कीर्तिपुरस्थित त्रिवि क्रिकेट मैदानमा एनपीएलको इलिमिनेटर खेलमा टस हारेर ब्याटिङमा उत्रिएको कर्णालीले निर्धारित २० ओभरमा ६ विकेट गुमाएर १७५ रन बनाएको हो ।
यस खेलको विजयी टोलीले फाइनल प्रवेशका लागि आजै हुने पहिलो क्वालिफायरको पराजित हुने टोलीसँग भोलि खेल्ने छ । आज हुने पहिलो क्वालिफायर खेलमा जनकपुर बोल्ट्स र सुदूरपश्चिम रोयल्सबीच प्रतिस्पर्धा हुनेछ । उक्त खेल दिउँसो १:०० बजे हुने छ ।
प्रकाशित मिति: बुधबार, पुस ३, २०८१ १०:५३
प्रतिक्रिया दिनुहोस्
साताको लोकप्रीय
