काठमाडौं । कामना सेवा विकास बैंक र एफवानसफ्टबीच बैंकका ग्राहकहरूलाई लक्षित गरी विभिन्न योजनासहित समझदारी पत्रमा हस्ताक्षर भएको छ । सो सम्झौता अन्तर्गत ग्राहकवर्गले बम्पर पुरस्कारमा स्मार्ट फोनसमेत जित्न सक्ने छन् ।
सो सम्झौता अन्तर्गत कामना सेवा विकास बैंकको मोबाईल बैंकिङमा रजिस्टर गरी कुनै पनि रकमको टप–अप गर्ने मध्ये भाग्यशाली ५० जना ग्राहकहरूले ५० रुपैयाँको टप–अप जित्न सक्नेछन् । यो अफर नयाँ ग्राहकहरूलाई मात्र मान्य हुनेछ ।
त्यसैगरी, ग्राहकहरूले न्यूनतम एक सय रुपैयाँको टप–अपमा वा कुनै पनि डाटा प्याक खरिद गर्दा दुई जना भाग्यशाली विजेताले लक्की–ड्र मार्फत एयरबड्स जित्न सक्नेछन् । यो अफर नयाँ तथा पुराना ग्राहकहरू दुवैलाई मान्य हुने बैंकले जनाएको छ । यसैगरी, कारोबार गर्ने ग्राहकहरू मध्ये एक जना लक्की विजेताले बम्पर पुरस्कारमा स्मार्टफोन जित्न सक्नेछन् । यो योजना जेठ मसान्तभर लागू हुनेछ ।
बैंकले हाल देशभर एक सय ३५ वटा शाखा सञ्जाल र ७७ वटा एटिएम बुथमार्फत् बैंकिङ सुविधा प्रदान गर्दै आइरहेको छ ।
