काठमाडौं । एनआईसी एकेडेमी ‘बी’ र बोन स्काइलार्क सातौं नेफ–ऋत कप अन्तरविद्यालय जुनियर यु–१६ छात्र फुटबल प्रतियोगितामा शुक्रबार प्रिक्वाटरफाइनलमा प्रवेश गरेका छन् ।

एनआईसी ‘बी’ ले ग्रिनल्यान्डलाई ५–० तथा बोन स्काइलार्कले कौशल इङलिस बोर्डिङ स्कुल (केब्स) लाई पेनाल्टी सुटआउटमा ३–२ गोलले पराजित गरे । एनआईसी ‘बी’ का अनिश जोशी तथा बोन स्काइलार्कका सिसाङ श्रेष्ठ ‘म्यान अफ द म्याच’ घोषित भए ।

चावहिल गणेशथान मैदानमा पशुपति मित्रले मनाङ चिल्ड्रेन प्याराडाइसलाई २–१, छहारीले एआईसी ‘ए’ लाई २–०, सांग्रिलाले इन्साइट भिजनलाई ४–० र न्यु एराले नोब्सलाई २–० गोलले हराउदै प्रिक्वाटरफाइनलमा स्थान पक्का गरेका छन् ।

पशुपतिका रोमिक आले मगर, छहारीका सम्राट तामाङ, सांग्रिलाका गम्भीर तामाङ र न्यु एराका पेम्बा तामाङ ‘म्यान अफ द म्याच’ चुनिएका थिए ।